O Concello aprobou no pleno recuperar a Atalaia de Monterrei

PATRIMONIO

O Concello de Monterrei celebrou onte o súa sesión plenaria dos meses de xuño e xullo, cun único punto na orde do día, a cesión ao Concello da Atalaia de Monterrei por parte da empresa e fondo inmobiliario “Auri S.L.”

Imaxe do pleno ordinario do Concello de Monterrei do 6 de xuño do 2024.

A Atalaia, situada a 550 metros do Castelo de Monterrei, é unha fortificación construida como torre de vixiancia no ano 1664 polos conflictos bélicos coa veciña Portugal. A mediados do século pasado derrubouse por descoñecemento o Forte de San Salvador, nunca rematado, e que a rodeaba.

Nos anos 60, a Atalaia pasou a mans privadas, e os actuais propietarios levaban un tempo buscando unha fórmula para que volvera a mans públicas.

A cesión foi aprobada cos votos favorables do grupo municipal popular, que goberna o Concello, e máis do único edil do BNG. Os tres concelleiros da outra forza na oposición, Veciños de Monterrei, preferiron absterse, á espera de ver o convenio de cesión e tomar una decisión definitiva.

Se ben o convenio aínda non está asinado nin definido, está previsto que derive nunha cesión por 50 anos. O obxectivo, non obstante, é que o Concello leve a cabo “o fomento de actividades histórico culturais, sociais, laborais, e en beneficio da comarca, da provincia e de Galicia”.

O alcalde, José Luis Suárez, considera que “é responsabilidade do Concello conservar o seu patrimonio. Estamos sentando as bases para que teña un desenvolvemento dende o cultural, ecónomico e social”.

Contenido patrocinado