O Entroido de Laza 2025 xa ten programación. Tras desvelar o cartel, a comisión e o Concello lazao revelaron as datas e as actuacións musicais que amenizarán os días de entroido. Os horarios dos actos dos días máis sinalados dependerán da climatoloxía, pero sempre se celebrarán.

Entroido de Laza 2025

Declarada Festa de Interese Turístico de Galicia

Venres 7, 14 e 21 de Febreiro - Folións

Os venres 7, 14 e 21 de febreiro haberá folións a partir das 23:00 horas.

Xoves 27 de Febreiro - Xoves de Comadres

• 14:00 horas: Celebrarase o folión dos nenos do CEIP O Castiñeira.
• Pola noite: Terá lugar a cea de comadres e a verbena a cargo da formación 3.Com.

Venres 28 de Febreiro - Venres de Folión

• Pola tarde: Haberá pasarrúas co grupo de música tradicional Tanto Nos Ten.
• 21:30 horas: Celebrarase a Cea Gastronómica do Cocido.
• 00:00 horas: Saída do Gran Folión do Entroido, onde soarán as chocas por última vez antes da estrea do Peliqueiro na xornada dominical do día 2. Os folións percorrerán as rúas da vila ás escuras, só coa luz dos fachóns de palla acesos, acompañados polo son das chocas, latas, bombos e outros instrumentos ruidosos.

Sábado 1 de Marzo - Sábado de Cabritadas

• Pola tarde: Celebrarase a Gran Fariñada na Praza da Picota con música do grupo LouBand. Tamén haberá pasarrúas animado por Tanto Nos Ten.
• Pola noite: Terá lugar a Troula e Cabritada dos Mozos. A formación GRUPO 3.COM animará a verbena.

Domingo 2 de Marzo - Domingo de Estrea

• Pola mañá: Os Peliqueiros estrearanse no Entroido de Laza e tras a misa dominical, saudarán aos fregueses. A continuación, repartirase na Praza da Picota a bica do Peliqueiro. Nesta xornada, as charangas Europa e Os Kokakolas encargaranse dos pasarrúas.
• Pola tarde: Os Peliqueiros acompañarán as carrozas carnavalescas no seu desfile. O desfile contará coa animación musical do grupo tradicional Os Varacuncas e a charanga Felga.
• Pola noite: A charanga Los Támega e o grupo M3 Show animarán a verbena.

Luns 3 de Marzo - Luns Borralleiro

• Pola mañá: Levarase a cabo a Farrapada, a procesión da Xitanada dos Burros e farán acto de presenza os Maragatos. O pasarrúas correrán a cargo dos grupos No Cómbaro e Varacuncas.
• Pola tarde: Os asistentes poderán gozar coa música da charanga Europa. Tamén terá lugar a Baixada da Morena desde Cimadevila, acompañada por as formigas, toxos e cobelleiros. A continuación, repartirase cachucha para que degusten todos os asistentes.
• O grupo Festicultores animará a festa e a orquestra Triunfo amenizará a verbena.

Martes 4 de Marzo - Martes de Entroido

• Pola mañá: Saída dos Peliqueiros Veteráns e os grupos No Cómbaro e Os Kokakolas animarán o pasarrúas.
• Pola tarde: Os asistentes poderán gozar co baile a cargo da orquestra Alma Latina, que dará paso á lectura do Testamento do Burro, ao Enterro do Entroido e ao Loito dos Peliqueiros.
• A charanga Bicoia porá a nota musical ao baile da noite.

Domingo 9 de Marzo - Domingo de Piñata

• Pola tarde: Haberá servizo de pulpeira na Praza da Picota e animación musical coa charanga Bandiños Band.