Preto de 50 cativos, na final dos premios literarios

Un total de 48 alumnos e alumnas de sete colexios verineses resultaron finalistas do Certame de Poesía Xosé Carlos Caneiro Pérez, e no de Relato Curto Antonio Fernández Pérez. Ambos eventos foron promovidos dende o Concello de Verín co obxectivo de conmemorar o Día das Letras Galegas, que este ano se lle adica ao escritor natural de Cotobade, Antonio Fraguas.

A capital comarcal celebrará o día do idioma galego cunha gala músico-literaria na que se recitarán as obras que resulten gañadoras dentro dos dous premios mencionados. A música do evento, que terá lugar este venres, a partir das 19,00 horas, no Auditorio Municipal do Centro das Artes Escénicas de Verín, correrá a cargo da Banda do Conservatorio.

No acto entregaranse premios de 90 euros para os primeiros clasificados; de 60, para os segundos e de 30, para os terceiros -todos financiados polo Concello de Verín-. A todos os finalistas faráselles entrega dun diploma e dun lote de libros.

Este miércoles, ás 19,30, haberá unha conferencia sobre Antonio Fraguas horas na Biblioteca Municipal.