Promoción, innovación e formación: piares para desenvolver o sector vitivinícola en Monterrei

D.O. MONTERREI

Deputados populares salientaron nunha visita á D.O. Monterrei o apoio da Xunta ás cinco referencias galegas do sector do viño

Miguel López, Gonzalo Losada, Manuel Vázquez, Víctor Baladrón e Juan Casares. | La Región

Juan Casares e Víctor Manuel Baladrón, deputados autonómicos do Partido Popular, visitaron en Verín a sede do Consello Regulador da Denominación de Orixe (D.O.) Monterrei, unha das catro das que presume Ourense.

Durante a visita, na que estiveron acompañados polo presidente, Manuel Vázquez; o xerente, Gonzalo Losada, e o director técnico, Miguel López, os populares salientaron a importancia das D.O. “pola calidade dos seus produtos, que poñen en valor o territorio e garanten o desenvolvemento das súas comarcas”.

Salientaron o compromiso da Xunta co desenvolvemento do sector vitivinícola a través da promoción, a formación e a innovación. Nese senso, entre 2026 e 2027 destinará un orzamento de 3,5 millóns para reforzar o posicionamento nos mercados dos cinco Consellos Reguladores galegos, e para que establezan novas relacións comerciais.

Demandas do sector

Os responsables da D.O. Monterrei aproveitaron para transmitir aos deputados ás súas demandas, encamiñadas a seguir mellorando a protección, promoción e calidade do sector.