O BNG insta ao PP a asinar "canto antes" a moción de censura

Tralo anuncio feito público esta mañá por parte do portavoz do Grupo Municipal do PSdeG-PSOE de que se bota a un lado, tal e como lle solicitaba o Partido Popular para propiciar a sinatura dunha moción de censura contra o actual rexedor Gonzalo Pérez Jácome, desde o BNG instan ao PP a que dita sinatura se produza canto antes.

Lembran os nacionalistas que xa no mes de setembro de 2020 e como consecuencia dunha moción presentada en pleno polo BNG no que se solicitaba a dimisión do alcalde e que gobernara a lista máis votada, 24 dos 27 membros da corporación votaron a favor.

"Desde entón, tanto PP como PsdeG-PSOE limitáronse a por escusas e vetos cruzados sen pensar no conxunto da veciñanza. Meses nos que a parálise e o caos dentro do concello vai en aumento, cun alcalde ser proxecto de cidade e sen peso político", señalan dende o BNG

A formación nacionalista lembra tamén "que o terceiro concello do país non se pode gobernar soamente con tres persoas".