Brais González estreará en Ourense a obra “A Loba Branca”

O Teatro Principal de Ourense será a sede da estrea de “A Loba Branca”, ópera con versión orixinal en galego composta polo vigués Brais González, tras a súa boa acollida en Italia, onde foi representada en 2022.

A ópera poderase gozar o venres, 27 de setembro, ás 21:00 horas, no teatro ourensán. A través dunha historia que narra a complicada relación dunha manda de lobos e as aldeas veciñas ao seu territorio, e tomando como referencia unha historia tradicional da serra do Courel, González trata temas como a relación coa contorna natural, o respecto á natureza, a honra ou a vinganza

Natural de Vigo, Brais González ten formación de pianista, e domina estilos que van desde o clásico até o jazz. Formouse nos conservatorios de Vigo e Oviedo, e fixo unha estancia na universidade de Salzburgo.