Unha empresa axuda ao aforro automático dende a Tecnópole

O vicepresidente primeiro e conselleiro de Economía, Industria e Innovación, Francisco Conde, visitou onte o Parque Tecnolóxico de Galicia (Tecnópole), en San Cibrao das Viñas, para visitar as instalacións da empresa Coinscrap Finance, unha das firmas que se beneficia dos préstamos “IFI Innova”, cuxo prazo de solicitude segue aberto e pode aportar axudas de ata 500.000 euros a un prazo máximo de 12 anos. Poderanse enviar solicitudes a esta liña ata o vindeiro 30 de setembro. Aproveitando a súa visita, Conde subliñou que o traballo de Coinscrap “é un caso de éxito claro” e un exemplo de “como en Ourense e en Galicia, a través da tecnoloxía e da innovación, respóndese aos retos do futuro”.

Pola súa banda, David Conde, o conselleiro delegado desta empresa que conta con 40 traballadores, divididos entre Ourense e Pontevedra, explicou que a tecnoloxía que desenvolven en Coinscrap axuda a aforrar, por exemplo, “en el redondeo de las compras o en un porcentaje de las nóminas, ahorrando de forma automática”. Ademais, estas aplicacións están completamente integradas nas bancas electrónicas das entidades coas que colaboran, “por lo que el cliente no es consciente de que está utilizando una tecnología desarrollada desde Galicia”. Ademais, están comezando a súa expansión internacional, iniciando o seu desembarco en Latinoamérica.