Gargallada Teatro leva "Un desastre de función" ó Teatro Principal de Ourense

Gargallada Teatro interpretou este venres "Un desastre de función" no Teatro Principal de Ourense. Non é que a interpretación lles saíse mal, senón que se trata de unha adaptación de "The play that goes wrong" de Henry Lewis, Jonathan Sayer y Henry Shields. A agrupación, formada no Barco de Valdeorras, leva xirando coa obra dende 2021.

Dirixida por César Goldi e Manuel Caramés, a obra valeulle a Gargallada nove premios en diversos certames teatrais, entre outros éxitos. A historia coa que gozou o público asistente ó teatro xira arredor dun clásico da novela negra inglesa. O cadáver de Charles Haversham é descuberto pola súa ama de chaves e a súa mellor amiga na noite da festa de compromiso da vítima. As pescudas do inspector Carter fano sospeitar sobre moitos dos habitantes do señorío do finado, xa que todos parecen culpables.