O Goberno repara a memoria de Alexandre Bóveda

HOMENAXE

Alexandre Bóveda, político galeguista e republicano, foi executado polos sublevados en 1936 tras ser condenado a morte. O Goberno central homenaxeou a Bóveda e outros represaliados, revogando a súa condena e recoñecendo a súa inocencia.

Pedro Sánchez entrega a Amalia Bóveda o documento de reparación.

O histórico político ourensán e galeguista Alexandre Bóveda, executado polos sublevados en Poio (Pontevedra) en agosto de 1936, foi un dos 21 represaliados da ditadura franquista que o Goberno central homenaxeou nun acto celebrado onte en Madrid.

Amalia Bóveda, filla de Alexandre Bóveda, foi a encargada de recoller un certificado de reparación que lle entregou o presidente do Executivo estatal, Pedro Sánchez.

Alexandre Bóveda, político republicano e galeguista, naceu en Ourense en 1904. Exerceu o xornalismo na cidade antes de adicarse á política, onde fundou xunto a Castelao o Partido Galeguista, con quen foi candidato ás eleccións republicanas dentro do Frente Popular, ademais de participar na elaboración do primeiro Estatuto de Autonomía. Encarcerado en xullo de 1936, foi sometido a un consello de guerra sumarísimo e unha condena a morte. O acto de reparación revoca o apartado xudicial da condena.

Contenido patrocinado