Guillerme Vázquez, de xira polo Ribeiro

Acompañado por Anxo Collarte, candidato á alcaldía, así como por outros candidatos da comarca como Xurxo Rodríguez, de Castrelo de Miño, ou Almudena Valiñas, de Avión, o líder nacionalista coñeceu de primeira man a iniciativa e destacou a relevancia deste tipo de accións “nunha situación como a actual na que a Xunta consegue coa súa actuación colocarnos en cifras de parados históricas, de 250.000 persoas desempregadas e con milleiros de mozos e mozas que emigran do país”. Vázquez engadiu que “asumimos responsabilidades para combater a crise e o paro. Sabemos que nos concellos temos competencias limitadas, pero podemos cooperar na medida das nosas posibilidades”.