Os ourensáns en Basilea preparan una foliada para este sábado

Os ourensáns emigrados á Suíza non esquecen as súas raíces. Este sábado, día 1 de xuño, o Centro Recreativo Cultural Ourense de Basilea, no país helvético, organizan a decimoterceira edición da súa foliada. A festa terá lugar na sede da entidade ás seis da tarde, tal e como publicaron dende a asociación de emigrados.

Deste xeito, o CRC Ourense de Basilea engade unha actividade máis ao seu programa. Trátase dunha das asociacións de ourensáns no exterior máis activas. O pasado mes de marzo, o club organizou un torneo de tute no que os mellores clasificados levaron unha caixa de viño tinto, un bono de cen francos suízos e uns chourizos.

Ademais da foliada, tamén haberá ambiente deportivo. Está previsto que o local ofreza a final da Champions League a quen se aproxime á sede da entidade, que tamén ofrece comidas galegas en pleno corazón da Suíza.