Premio ó IES do Couto de consumo responsable

A presidenta da Axencia Española de Consumo, Seguridade Alimentaria e Nutrición (Aecosan), Pilar Farjas, entregou onte ao equipo "El Ordenador", do Instituto do Couto, o primeiro premio do certame de consumo responsable Consumópolis na categoría de 1º e 2º de ESO a nivel nacional, nun acto que se celebrou no Ministerio de Sanidade. O equipo está composto por Marcos Vila Ferreiro, Alexandre Rodríguez Blanco, David Feijóo Díaz, Martín Álvarez Álvarez e Guillermo Soto García, coordinados pola profesora Francisca Vega Mondelo.

Máis de 1.100 escolares galegos participaron nesta iniciativa, que estivo centrada no uso responsable das tecnoloxías da información e a comunicación.