Roberto Fernández: “Censuralos pode facer que se pense que os silencian por ter a razón”

O doutor Roberto Fernández forma parte do estudo das narrativas antivacinistas da covid e a varíola e axudoulle a ver como se moven estos colectivos na actualidade, que fan das redes sociais a súa mellor arma.

Como se moven na actualidade estes colectivos?

Empregan intervencións nas redes que lles axudan a multiplicar as súas mensaxes, case da mesma maneira que o fai o virus. Hai estudos que din que existen poucos produtores de desinformación antivacinas, en torno a 12 no mundo, pero lanzan discursos nas redes que chegan a milleiros de persoas.

Censuralos, poder ser unha solución?

O feito de censurar esa información pode ser contraproducente, xa que estes colectivos victimízanse. Iso pode levar a que xente pense que os silencian porque teñen razón. É difícil de manexar esta situación e hai modelos matemáticos que estiman para a próxima década, se continúa a proliferación de novas vacinas, que estes discursos sexan os predominantes pola súa capacidade de difusión.

Por que seguen a ter tanto impacto se a poboación está máis formada agora?

No século XIX había unha desinformación por falta de información. Na actualidade atopámonos con outro tipo de desinformación por culpa dun exceso de información falsa. Isto fai que, pese a ter diferentes contextos, o resultado sexa o mesmo. Ó final, saben como tocar os medos da xente.

As institucións, deberían desargumentalos?

Si. Eu creo que deberían ser transparentes e actuar ante estes colectivos. Teñen que decir o que é verdade e desmontar os argumentos que non o son. Non vale con censuralos.