O sabor do mar chega a San Cibrao das Viñas

San Cibrao das Viñas recibiu onte, 28 de agosto, os foodtrucks da iniciativa "Galicia sabe a Mar". Trátase dunha campaña proposta pola Xunta de Galicia que ten por obxectivo degustar produtos certificados do mar e poñer en valor o labor dos profesionais da pesca e o marisqueo.

Nas pisicinas de Ponte Noalla, os asistentes puideron degustar algún dos ata dez pinchos pensados para a campaña e realizados a base de productos certificados do mar e da terra.

Ata o lugar achegáronse persoas de todas as idades, en horario de maña e de tarde, para poder desfrutar da comida con selo de calidade galego. A localización permitiu combinar a actividade cunha xornada na piscina, pese a que a calor rexistrada nas últimas semanas semella estarse a despedir.

Dende que empezou o proxecto en 2021, este xa é o cuarto ano que as foodtrucks percorren municipios vencellados ao camiño de Santiago en aras de por en valor productos como o peixe, o marisco, as conservas e tamén as algas. En edicións anteriores, servíronse máis de 200.000 petiscos de xeito gratuito.