Diego Ameixeiras gaña o premio Blanco Amor con “Pistola negra”

NOVELA NEGRA GALEGA

O escritor Diego Ameixeiras, nado en Suíza e criado en Ourense, impúxose con "Pistola negra" entre medio cento de manuscritos nunha edición que recoñece unha proposta metaliteraria vinculada ao xénero negro

Jurado: Luís González Tosar, director da Fundación Eduardo Blanco-Amor, e composto por Emma Pedreira Lombardía, Héitor Mera Herbello, César Lorenzo e Noelia Gómez Calvo.
Jurado: Luís González Tosar, director da Fundación Eduardo Blanco-Amor, e composto por Emma Pedreira Lombardía, Héitor Mera Herbello, César Lorenzo e Noelia Gómez Calvo. | La Región

Diego Ameixeiras (Lausana, 1976) é o gañador da XLV edición do Premio de Novela Blanco-Amor, convocado pola Deputación de Ourense a través da Fundación Eduardo Blanco-Amor, coa súa obra “Pistola negra”. O autor, nado na Suíza e criado en Ourense, é unha das plumas máis recoñecidas do xénero negro en Galicia.

O gañador, Diego Ameixeiras.
O gañador, Diego Ameixeiras.

O xurado do certame cualificou a obra gañadora como un “artefacto perfectamente construído ao redor de biografías literarias apócrifas”, seguindo o ronsel estilístico e o legado do chileno Roberto Bolaño.

Trátase dunha proposta metaliteraria que mestura o ton enciclopédico coa narrativa de intriga.

A entrega oficial do galardón, ao que concorrían medio cento de manuscritos este ano, terá lugar na cidade o 5 de decembro, no Centro Cultural Marcos Valcárcel.

Contenido patrocinado

stats