Abel Aguilar, practicamente descartado para o Deportivo-Athletic

As probas médicas a que foi sometido revelan que o futbolista sofre unha lesión muscular de grao I no bíceps femoral da coxa dereita.

O club coruñés indica na súa páxina web oficial que o internacional branquiazul, que tivo que abandonar o céspede na primeira parte do encontro fronte ao Levante, inicia agora unha etapa de readaptación física.

O Deportivo apunta que o tempo de volta aos adestramentos dependerá da súa evolución, pero este tipo de lesión ten uns prazos habituais de recuperación de entre unha e dúas semanas, o que o converte en seria dúbida para o choque co Athletic.

O equipo coruñés afrontará ese partido sen outro dos seus titulares indiscutibles, Carlos Marchena, que tamén sufriu unha lesión muscular ante o Levante e perderá o que resta de tempada.

A esas dúas baixas súmase a do lateral Laureano Sanabria 'Laure', cunha pubalxia desde decembro, mentres que o máis probable é que Fernando Vázquez recupere o seu máximo goleador, Iván Sánchez 'Riki', tras non poder contar con el por lesión ante o Levante.