Co “Entroido” feito, A Xironda vibra coa música e as mázcaras

A parroquia da Xironda, no concello de Cualedro, continou a fin de semana e onte coas datas da súa celebración máis especial, o Entroido, con permiso da procesión dos Farois. durante a Semana Santa.

O sábado, a veciñanza deu forma conxuntamente ao “Entroido”, unha xigantesca figura de palla con forma e atributos masculinos, e que se situou na praza.

O día seguinte, decenas de mázcaras volveron saír ás rúas, e pasaron un día de confraternización, visitando a contorna e facendo sonar as súas chocas. Á tarde celebraron a súa gran festa, amenizada pola discomóbil Enoy, trala que tivo lugar unha cea a cargo da organización. A música amenizou aos veciños ata ben tarde, e ademais houbo chocolatada e queimada.

Onte Enjoy puxo de novo a música, nunha xornada máis tranquila na que os habitantes cearon xuntos e volveron gozar dun chocolate quente.

Queima do Entroido

Esta tarde, as mázcaras xuntaranse de novo. Trala cea, ás 00,00 horas, procederase á subasta e queima do “Entroido”.