FESTIVAL INTERNACIONAL
Vilariño de Conso despide el XI ViBoMask
Galería | As carrozas percorreron Amoeiro con moita festa
ENTROIDO ITINERANTE
Dende primeira hora da mañá, os veciños percorreron varias parroquias
O maior Entroido itinerante da provincia de Ourense volveu a mostrar onte as súas mellores galas. As carrozas confeccionadas polos veciños das distintas parroquias do municipio, con ideas moi orixinais, participaron no Entroido de Amoeiro.
Así, como é habitual, realizaron un percorrido polas diferentes aldeas, onde os veciños lles ían ofrecendo pinchos e bebida ao seu paso. Os gaiteiros de “Rede Gaitas” foron amenizando a ruta ao seu paso polo Cruce de Parada, A Bergueira, Trasalba, Bóveda, Amoeiro e Parada.
A rolda polas aldeas comezou ás 9,30 horas da mañá e rematou pasadas as seis da tarde. Xa á tardiña, veciños e participantes das carrozas tiveron festa a cargo de “Pen Music” no campo da festa de Parada. Con todo, o entroido itinerante non rematou.
Quedan aínda dúas etapas. O desfile volverá saír mañá polos pobos dos concellos de Amoeiro, Cea e Maside coa “Charanga de Bande” e o grupo “Explosión”.
A xornada do martes 4 marzo comezará cunha Sesión Vermú, seguida dun Xantar Popular. A partir das 16,30 horas, un novo desfile pasará polos seguintes pobos de Parada: Poboanza, Casares e fondo de Parada. Haberá música e baile a cargo do grupo “Xoldra” e tamén se celebrará a entrega de premios.
Contenido patrocinado
