Galería | Os vellarróns locen as súas cores no Riós e Marcelín

O concello de Riós viviu onte unha completa xornada de entroido nun día solleiro, perfecto para que tivera lugar o seu tradicional percorrido entre Riós e Marcelín, apenas un quilómetro no que o personaxe típico, o Vellarrón, presumiu de cores e de alegría, desfilando xunto coa banda de gaitas local e facendo as delicias da veciñanza orriolense.

Tras bailar en Marcelín e repoñer forzas cun pincho, de volta no Riós celebrouse un gran desfile, con premios para os mellores disfraces individuais e colectivos, e agasallos para a cativada.

Posteriormente houbo un magosto popular xunto á casa consistorial, no que non faltou a castaña, o produto estrela da zona, ben acompañada por chourizos asadaos.

Á tarde a acción trasladouse de volta a Marcelín, coa banda instrumental e a festa con pincho de orella.