Peliqueiros e formigas, fieis á gran festa de Campobecerros

Trala saída matinal dos peliqueiros, pola mañá tamén tomaron as rúas do núcleo tanto os parranfóns como a vaca do Entroido, dous personaxes igualmente típicos e senlleiros da súa celebración, e que desfilaron xunto coas carrozas.

Tralo xantar popular no bar Merendeiro, a base dun bo cocido, pola tarde tivo lugar o momento máis salientable do sábado, no que en Campobecerros se adoita tirar tanto borrallo como as consabidas formigas.

Borrallo para todos

Pequenos e maiores desfrutaron inmersos nunha particular batalla campal, mentres os trapos de barro e as formigas voaban polo aire.

Pola súa banda, os chocos dos peliqueiros non pararon de soar ao longo da tarde e da noite, e Campobecerros continuou coa troula grazas á satisfacción de seguir preservando a tradición.