Regueifas, música e felos fan vibrar Maceda no seu Reinado

ANTIGA TRADICIÓN

O Reinado regresou por segundo ano consecutivo con regueifas, música e felos dende a súa recuperación ao Entroido de Maceda

A variopinta comitiva, "burro" incluído, que percorreu as paradas do Reinado. | Martiño Pinal

Maceda celebrou este sábado novamente O Reinado, unha antiga tradición do seu Entroido recuperada o ano pasado grazas o labor dun grupo de veciños.

Os felos tamén quixeron regueifar como os que máis. | Martiño Pinal

A cita desta vez estivo protagonizada pola veciñanza dos oito lugares da parroquia de Tioira. O percorrido, con saída dende Carguizoi, fixo varias paradas nas que os veciños, subidos a un remolque e con roupa tradicional, regueifaron con moita ironía.

A música tradicional non parou de soar durante a tarde e a noite. | Martiño Pinal

Este ano a disputa entre as aldeas xirou arredor o roubo da cabeza da serpe do cruceiro de Tioira, substituíndo a figura do rei pola dun condenado: un meco que representaba ao crego por un “sermón mal dado”.