Alfombreiro, auguista e lubre: as novas palabras do Dicionario da Real Academia Galega

Este venres, tres novas palabras foron incorporadas ao Dicionario da Real Academia Galega co obxectivo de fomentar e difundir o coñecemento da lingua galega. As novas voces alfombreiro -a, auguista e lubre xa poden consultarse no Dicionario da Real Academia Galega.

O Seminario de Lexicografía acaba de incorporar a esta ferramenta en liña estas tres palabras, logo de valorarsen llos pedimentos da Asociación de Alfombristas do Corpus Christi de Ponteareas, o Concello de Mondariz Balneario e mais o grupo musical Luar na Lubre e Navia Franco Barreiro.

O director do Dicionario, Manuel González, agradécelles a todas as partes o interese manifestado para manter actualizada esta ferramenta en liña, obra fundamental para o estudo e coñecemento da nosa lingua.

Alfombreiro, dos acepciones

Alfombreiro -a entra no dicionario cunha primeira acepción xeral referida a calquera persoa que fai, amaña ou vende alfombras e incorpora unha segunda que designa a quen “confecciona alfombras de carácter efémero con flores ou con outros elementos naturais, especialmente para manifestacións rituais ou relixiosas”.

O exemplo que a acompaña fai mención expresa á tradición de Ponteareas, onde veciños e veciñas deseñan e danlle forma a máis dun quilómetro de alfombras que engalana o domingode Corpus as rúas e prazas desta localidade do sur de Pontevedra.

Auguista

A proposta de incorporar ao Dicionario a voz auguista, que identifica a “persoa que toma as augas ou os baños medicinais nun balneario”. O pedimento formalizouno o Concello de Mondariz Balneario, gran vila termal na Europa de comezos do século XX e que segue a ser hoxe en día un foco fundamental do termalismo en Galicia.

Lubre, recollida con anterioridade

No referinte a lubre, o Dicionario define esta voz como “bosque sagrado onde os celtas celebraban os seus rituais relixiosos”. A palabra foi recollida con anterioridade en diversos dicionarios históricos.