A defensa de Fernando Blanco di que 'non hai caso' e pedirá o seu arquivo

O avogado defensor do exconselleiro e exdeputado do BNG Fernando Blanco, Xoán Antón Pérez Lema, sinalou hoxe que 'non hai caso' contra o seu cliente en relación coa chamada 'Operación Campeón', e anunciou a súa intención de pedir o arquivo da causa.

El exconselleiro de Industria en el Gobierno gallego de coalición PSdeG-BNG y ex diputado autonómico del Bloque Fernando Blanco (d), acompañado de su abogado, Evaristo Nogueira (i), y de José Antonio Pérez Lema, del BNG a su llegada a los Juzgados de Lug

Así o sinalou Pérez Lema despois de concluír a declaración de Blanco, imputado neste caso, ante un xulgado de Lugo, tras a que o exparlamentario dixo sentirse en situación de indefensión a causa do segredo de sumario.

A este respecto, a súa defensa anunciou que presentará un recurso ante a audiencia provincial para que sexa levantado.

A declaración do exconselleiro prolongouse durante aproximadamente unha hora. Non obstante, a súa saída do xulgado demorouse porque lle foi entregada para asinar en castelán e esixiu que se traducise ao galego.

O exparlamentario chegou pouco antes das dez da mañá á sede dos xulgados de Lugo para declarar ante a instrutora da ?Operación Campeón', Estela San José, sobre as súas relacións co empresario Jorge Dorribo.

Blanco dimitiu no pasado 5 de outubro, ao día seguinte de que o diario El Mundo publicase parte da suposta declaración do propietario da Nupel e principal procesado, o empresario Jorge Dorribo, ante a instrutora do caso, en que o acusaba de cobrar comisións irregulares en troca dun trato de favor para as súas empresas.

Contenido patrocinado