Irisarri repetirá como candidato á alcaldía ferrolá

A executiva socialista de Ferrol, na asemblea mantida onte, elixiu 'por unanimidade' a Vicente Irisarri, actual rexedor, como candidato único á alcaldía da cidade, decisión que terá que ser ratificada o próximo 1 de outubro en asemblea de militantes.

A secretaria de Organización do PSOE, Beatriz Sestayo, confirmou a candidatura de Irisarri 'sen que haxa primarias' e co obxectivo de que poida continuar o seu proxecto político' e poida dar 'estabilidade' á cidade. Desta forma, entérranse as supostas discrepancias entre os dous grupos de socialistas ferroláns, separados entre os que defendían ou rexeitaban a xestión e o liderado de Irisarri.

O candidato a encabezar a lista do PSdeG en Ferrol mostrouse 'enormemente agradecido' polo apoio da executiva e asegurou sentirse 'totalmente avalado'. Irisarri comprometeuse a 'esforzarse para seguir sendo o alcalde dos ferroláns' e asegurou sentirse, de momento, 'máis alcalde que candidato'. Irisarri admitiu que 'en Ferrol se desenvolvera todo o debate que a liberdade aconsella'.

Contenido patrocinado