Manifestación multitudinaria en defensa do galego ante a "emerxencia lingüística extrema" en Santiago

Milleiros de persoas manifestáronse este domingo en Santiago de Compostela para defender o galego ante a "emergencia lingüística extrema" que denuncian colectivos políticos, sindicais e sociais. Convocada pola Plataforma Queremos Galego, a protesta percorreu a cidade ata a Praza do Obradoiro co lema Lingua vital xa!.

O voceiro de Queremos Galego, Marcos Maceira, criticou a "falta de compromiso real" da Xunta coa lingua galega e esixiu "medidas urxentes" no ensino, na cultura e nos servizos públicos. Durante a marcha, escoitáronse cánticos como A lingua non se vende, aquí está o pobo que a defende.

Ademáis, destacou que fronte á mobilización que houbo en novembro, o goberno decidiu reaccionar "pero só en aparencia". Neste sentido, sinalou que convocaron unhas comisións "con absoluta opacidade".

Declaracións de Pontón y Besteiro

A portavoz nacional do BNG, Ana Pontón, reivindicou que a manifestación "ten que significar un punto e aparte para deixar atrás as políticas lingüicidas do PP".

Asimesmo, Pontón pediu ao presidente da Xunta, Alfonso Rueda, "que deixe de negar a realidade, que deixe de manipular os datos oficiais e que escoite o clamor que sente Compostela a favor do galego".

Pola súa parte, o secretario xeral do PSdeG, José Ramón Gómez Besteiro, pediu ao presidente da Xunta que "escoite a mensaxe clara" dos galegos e reivindicou que "sen lingua non hai país".

"A mobilización non é contra ninguén, senón a favor da lingua e, sobre todo, é unha mensaxe clara á Administración que ten a competencia nesa materia e, especialmente , ao PP", sinalou.