PP coruñés vincula contratos con Pemex e Beijing 3E á xestión de Negreira

Os responsables da Xunta Local do PP na Coruña felicitaron hoxe o concello da cidade pola 'fantástica' semana que propiciou a 'boa xestión' do equipo de goberno que encabeza Carlos Negreira, que se traduciu nun contrato coa petroleira Pemex e o acordo para avaliar as posibilidades de acometer un millonario investimento a cargo da compañía chinesa Beijing 3E.

O presidente local do PP, Fernando Fernández, destacou os acordos aos que se chegou coa petroleira Pemex, así como a sinatura entre a Autoridade Portuaria e a empresa asiática para o seu uso do porto exterior.

En opinión do dirixente do PP, 'ambos os dous acordos abren a posibilidade de que A Coruña se converta nun centro de enerxía estratéxico e nun referente deste sector a nivel mundial'.

Fernández considera que son noticias 'fantásticas' non só polo beneficio que lle van reportar á cidade, senón tamén porque xurdiron nunha época de crise, na que se fai 'dobremente difícil chegar a acordos como os que se fixeron públicos esta semana'.

Así mesmo, o PP tamén quere resaltar a 'entrega' que está demostrando o alcalde e todo o seu equipo.

'Mentres outros parecen adormecidos, nós temos uns responsables municipais dinámicos, loitadores e comprometidos cos coruñeses', afirmou.

Tamén destacou que cando se cumpre un ano de goberno municipal do PP os resultados están empezando a dar os seus froitos, e estes demostran que Carlos Negreira está dirixindo A Coruña polo camiño correcto'.

Contenido patrocinado