O PSdeG demanda o acceso a axudas predoutorais aos licenciados en 2007

Leiceaga explica nun comunicado que a Xunta non efectuou en 2010 ningunha convocatoria de axudas predoutorais e, nas aprobadas en 2011, establece como condición que conclúan os estudos de licenciatura, grao ou similares despois do primeiro de xaneiro de 2008.

O deputado resalta que, por iso, se deixan sen posibilidade de optar a estas axudas os estudantes que concluíron as licenciaturas en 2007 e durante dous anos fixeron o curso de máster ou diploma de estudos avanzados, imprescindible para completar os estudos de doutoramento.

Por iso, pídelle á Xunta que explique os mecanismos previstos para solucionar esta situación.