A Xunta busca axuda na IA para cubrir vacantes laborais

O conselleiro de Emprego, Comercio e Emigración, José González, reuniuse onte en Ourense cos directores e orientadores das oficinas de emprego da provincia. En dita reunión incidiuse en que é preciso seguir potenciando a formación entre os profesionais das oficinas de emprego para continuar ofrecendo á cidadanía os mellores servizos. Tamén se destacou que a formación é chave para seguir creando emprego de calidade e casar oferta con demanda laboral.

O reto, en palabras do conselleiro, é dar saída as 15.000 vacantes de traballo para o que a Xunta está executando “medidas pioneiras no Estado como a ferramenta tecnolóxica EMi que conecta oferta e demanda en tempo real con intelixencia artificial”. En concreto, “este software permite converter o programa Emprego de Galicia nun servizo onde as empresas poidan localizar o mellor talento e ao que as persoas recorran para consolidar a súa traxectoria profesional”.

Datos de paro positivos

No encontro tamén puxéronse en valor os últimos datos de paro rexistrados. En maio, na cidade de Ourense rexistrouse a cifra máis baixa desde que hai rexistros e con respecto aos últimos dez anos, o desemprego caeu en case o 50%. En palabras do conselleiro isto demostra que as políticas que desenvolve a Xunta están a ser “efectivas e eficientes”.