Galería | Os callos limiaos poñen sabor ao verán en Lobios | Martiño Pinal

Galería | A Festa dos Callos Limiaos pon sabor ao verán en Lobios

MÁIS DE MIL RACIÓNS

Máis dun milleiro de racións de callos limiaos foron os protagonistas desta cita estival

Lobios puxo o broche ao seu programa de actividades de verán coa celebración da XXVII Festa dos Callos Limiaos, unha cita gastronómica que reuniu este domingo a veciños, retornados durante as vacacións e visitantes.

O cociñeiro Tomás Fernández preparou, xunto ao seu equipo, máis dun milleiro de racións deste prato tradicional, repartidas entre as servidas no pavillón polideportivo e as que moitos asistentes optaron por levarse a casa. A previsión axustouse á demanda, como confirmou a alcaldesa, María del Carmen Yáñez, quen sinalou que o respecto pola tradición é o que mantén viva esta festa: “Os callos prepáranse aquí mesmo, seguindo a receita tradicional e típica da nosa zona, con moito cariño”.

A xornada combinou a súa esencia culinaria cunha feira de artesanía, actuacións musicais e unha festa acuática para os máis pequenos.