Falece o condutor dun coche tras recibir un golpe dun camión e chocar contra unha casa en Cabanas (A Coruña)

O condutor dun turismo faleceu tras recibir un golpe o seu vehículo dun camión cando facía unha manobra marcha atrás e chocar contra unha casa no municipio coruñés de Cabanas. Segundo os datos facilitados a Europa Press polo 112, o accidente tivo lugar sobre as 11.10 horas na confluencia da estrada N-651, no quilómetro 22, coa AC-141 no lugar de Cardeita, na parroquia de San Martiño de Porto.

As mesmas fontes explicaron que o camión da marca Volvo, con placa 6521-FKM, estaba a dar marcha atrás cando golpeou ao turismo Fiat Brava con matrícula C-4882-BU, que chocou contra unha casa.

Foron mobilizados Protección Civil de Cabanas, a Guardia Civil de Tráfico e o 061, que desprazou ao lugar unha ambulancia asistencial e un médico.

O condutor do turismo, P.O.F., de 74 anos de idade, segundo precisaron fontes sanitarias, faleceu no lugar do accidente malia os esforzos dos efectivos sanitarios por tratar de reanimalo.