Manuel Fraga terá un 'biopic' en televisión

Manuel Fraga Iribarne saltará á pequena pantalla. A miniserie, que constará de tres capítulos e que podería estrearse en pouco máis dun ano, recollerá así a vida dun dos personaxes máis relevantes da historia de España dos últimos 50 anos. Voz Audiovisual e Grupo Ganga Producións chegaron a un acordo de colaboración para levar á ficción a vida do político recentemente falecido nun proxecto que non descartan que se complete cunha longametraxe para a gran pantalla.

As produtoras da ficción, que encara a súa fase de desenvolvemento, manteñen de momento en segredo o elenco principal de actores e contan co visto bo da familia Fraga á hora de formular tanto a estrutura como as principais liñas argumentales, así como para asegurar o contraste e a exactitude de información que se manexe.

Igualmente contarase coa colaboración e os testemuños dos principais coetáneos políticos do político galego, dentro dos labores de contextualización e documentación que se utilizarán para o desenvolvemento dos guións.

Ademais dalgunhas localizacións no estranxeiro, o groso da produción que volve unir a Grupo Ganga e Voz Audiovisual levarase a cabo en escenarios de Madrid e de Galicia.

E é que estas dúas produtoras xa colaboraron con anterioridade en dúas series de ficción de éxito emitidas por Televisión Española: 'Desaparecida' e 'U.C.O. (Unidade Central Operativa)'.