Xesús Vázquez buscará hoxe a cooperación con Castela e León

O conselleiro de Educación e Ordenación Universitaria, Xesús Vázquez, trasladarase hoxe a Valladolid para reunirse co consejero da área no Goberno de Castela e León, Juan José Mateos Otero, co fin de impulsar a cooperación entre as institucións das duas comunidades. Durante o encontro, ambos os dous mandatarios abordarán o Plan de Potenciación das Linguas Estranxeiras, os avances relativos á incorporación das novas tecnoloxías da información ao ensino e o desenvolvemento da formación profesional orientada ao emprego. Ao acto acudirán o director xeral de Educación, Formación Profesional e Innovación, José Luis Mira Lema; o director xeral de Recursos Humanos, José Manuel Pinal, e membros do mesmo departamento de Castela.