O río Tioira arrastra as cinsas dos incendios tras as choivas en Maceda

O río Tioira ao seu paso pola aldea homónima, no Concello de Maceda, arrastra as cinsas e restos dos lumes que queimaron a serra de San Mamede no mes de agosto, logo das abundantes precipitacións que se suman ás das derradeiras borrascas. Esta situación é a "crónica dunha morte anunciada", segundo indican algúns veciños, ao lembrar o sucedido na parte máis oriental da provincia.

Esta "previsible" situación afecta aos concellos da provincia aínda que non sufriran os efectos das lapas, xa que os pequenos ríos e regatos desembocan nos principais do territorio. Neste caso, o río Tioira é un afluente do Arnoia, ao que estas cinsas e restos do arrastre -e a de outros moitos regatos- tamén chegarán.