Unha andaina por Monterrei unirá o patrimonio de Vilaza e Requeixo

A oficina de turismo de Monterrei organiza un percorrido entre o núcleo de Vilaza e o balneario de Requeixo, á beira do río Bubal.

Na ruta darase a coñecer o patrimonio desta área do concello de Monterrei, como o importante pasado de Vilaza ou Lobarzán, ou a relevancia que tivo o balneario de Requeixo.

A duración deste roteiro circular será dunhas dúas horas, con inicio e fin na alameda de Vilaza. A andaina terá lugar o vindeiro 17 de maio, sábado, ás 11,00 horas.

Para inscribirse na ruta, totalmente de balde, é preciso contactar coa oficina de turismo de Monterrei no teléfono 988 361 360. O prazo de inscrición remata o 16 de maio.