O Barco facilita a obtención de titulacións en competencias dixitais

NOVAS TECNOLOXÍAS

Os veciños do Barco poderán examinarse do Certificado Galego de Competencias sen saír do municipio

Aula CeMIT do Concello do Barco. | Concello do Barco de Valdeorras

O Concello do Barco de Valdeorras albergará as probas presenciais para obter o Certificado Galego de Competencias Dixitais (Comdix) promovido pola Xunta, e que certifica o nivel dunha persoa no uso de tecnoloxías dixitais, útil para acreditar as habilidades fronte a empresas e institucións, favorecendo as oportunidades laborais.

A proba do nivel de iniciación terá unha duración máxima de 90 minutos, e para superala é necesario acadar un mínimo do 70% de acertos no total de entre 60 e 70 preguntas do exame, coas que se avalían as competencias dixitais establecidas no Marco Galego de Competencias Dixitais.

Data

No caso do Barco, celebrarase o 30 de outubro, xoves, ás 12,00 horas, na aula CeMIT situada no segundo andar do edificio multiusos da Casa consistorial.

A inscrición está aberta á cidadanía en xeral, sen requisitos previos, e está dispoñible ata o 24 de setembro na web do Cemit (cemit.xunta.gal). Dado que as prazas son limitadas, o día 25 realizarase o sorteo, e entre un e dous días despois publicarase na web a listaxe provisional.

Contenido patrocinado