O Chamoso Lamas dirixe un roteiro pola arquitectura

O Centro de Estudios Chamoso Lamas, continuando coa iniciativa da posta en valor do patrimonio cultural do Carballiño, organiza, en colaboración coa Cofradía da Vera Cruz e o Concello do Carballiño, para este Xoves Santo, 17 de abril, un novo roteiro no que os historiadores e investigadores do colectivo carballiñés Juan Manuel Rodríguez e Xosé Luis Sobrado explicarán a historia, arte e arquitectura das construcións relixiosas do Carballiño: Igrexia Parroquial de San Roque de Señorín, Igrexa Parroquial de San Cibrao, Capela do Sagrado Corazón, Capela da Residencia dos Irmáns Prieto e Templo da Veracruz.

O roteiro comezará ás 11,00 horas, sendo o punto de encontro para os interesados en participar a entrada do cemiterio de Señorín ás 11,00 horas, e prolongarase durante dúas horas e media, aproximadamente. Segundo apuntan desde a entidade, non é preciso apuntarse previamente.

Este roteiro é un dos dous incluídos no programa da Semana Santa, sendo o primeiro o de “Peregrinación de las Siete Iglesias”, que tivo lugar o pasado martes.