Programa do maio cultural do Carballiño: datas e horarios

ACTIVIDADES

O Concello do Carballiño e as asociacións ofrecen un completo programa de actividades e espectáculos

Pandereteiras As Riscadeiras do Centro Sociocomunitario do Carballiño.

Unha vintena de actividades animarán este maio cultural no Carballiño, ofrecendo a Concellería de Cultura, en colaboración con diversas entidades, concertos, teatro, cine, espectáculos de maxia e humor, e fotografía.

A música será protagonista con diversas actuacións ao longo do mes, comezando o día 11, ás 19:30 horas co Concerto Carmela, que é a visión musical da tradición oral de Carme López; ao día seguinte, ás 18:00 horas o Conservatorio de Música ofrecerá o recital fin de grao; continuando o cartel músical o día 13, ás 10:30 e 12:00 horas coa presenza de Caxoto e o espectáculo “Unha noite no muíño…”, un espectáculo ao redor das celebracións tradicionais. Todas estas actuacións serán no Auditorio Manuel María.

Para o día 16 está prevista a actuación das Pandereteiras As Riscadeiras do Centro Sociocomunitario e o 24 de maio na tenda Ozoco GZ terá lugar a Foliada de Avantar, ás 18.30 horas, tamén coa presentación do libro “Cantareiras”de Icía Varela e Xosé Manuel Varela e un obradoiro de pandeireta. O Conservatorio de Música ofrecerá o 27, no Auditorio, a partir das 10:30 horas Musilandia.CMUS; e ao día seguinte, ás 11:30 horas, o espectáculo das cantarerias “Axúdame a cantar”; rematando a programación musical co II Festival de Percusión Carballiño Soa.

En canto ao teatro, a Rede Provincial de Auditorios presenta o día 10, ás 20:00 horas, “Escándalo´s” de A.C. Esteta de Taboadela; e o 18, ás 18:00 horas, teatro infantil “Máis Saaabor!” de Culturactiva. Continúa o día 19, ás 11:30 horas, con “Made in Galicia”, de Sarabela Teatro, con entrada de balde. Todas as representación no Auditorio.

O día 23 de maio, no mesmo escenario e a mesma hora, será o monólogo de Touriñán “Aquí tou”, ás 21:00 horas, que repetirá función ás 23:00 horas.

Tamén haberá espectáculo de maxia con Shado Cleptómago, o día 24, ás 18:30 horas; e Cine Club ofrecerá como fai ao longo do ano varias películas; mentres O Potiños organiza para o 25 “Pon unha foto na rúa”, ofrecendo tamén diversas exposicións. Finalmente, o Concello realizará o mural “As cantareiras e a poesía galega oral”.