Tasca e literatura en homenaxe a Víctor Gulías no Carballiño

Creadores de diferentes estilos literarios díronse cita este domingo na Adega de Flores para homenaxear, de forma postúma, a un poeta da terra e un namorado da cultura castrexa. Foi Víctor Gulías un activista cultural sen acougo, que o mesmo escribía poesía que se enrolaba en calquera actividade de contido social ou cultural da vila. Foi un dos promotores máis destacados da Festa do Castro de San Cibrao de Lás, membro da Asociación Cultural Avantar, colaborador incansable da agrupación de teatro Dar Trela, participante asiduo dos cantos de taberna e creador da “Tribu das Festas Ancestrais”.

Compañeiros, amigos e persoas da cultura carballiñesa, de todas as idades, desfrutaron escoitando as súas poesías e relatos e lembrando o seu legado espiritual e humano.