Brasil estrea o ámbito internacional da MIT

A xornada de mañá comeza ás 12,30 horas cunha actividade paralela na Igrexa da Madalena, o encontro-coloquio “Mulleres en danza”, con Alice Ripoll e Belén Martí Lluch. Xa pola tarde trasladase a actividade á Franquieran coa representación de “Peixe” a cargo de Hotel Iocandi-La maleta dels espectacles, compañía catalana que pon en marcha os espectáculos satélites da MIT, fóra dos escenarios habituais de Ribadavia. Será ás 20,30 horas.

No auditorio do castelo, no horario das 23,00 horas, porase en escena “Zona Franca”, coa primeira compañía internacional Alice Ripoll & CIA. Suave de Brasil; e a 1,00, no Club Artístico, “Deadpan Karaoke” de Ibuprofeno.