Festas da Virxe do Portal de Ribadavia: misas, horarios e programa completo

FESTEXOS

O venres comezan os cultos á patrona Virxe do Portal de Ribadavia. A novena celébrase entre o 30 de agosto e o 7 de setembro, e o 8 é o día da patrona do ribeiro

A comarca do Ribeiro prepárase para honrar á súa excelsa patroa: a Virxe do Portal. As celebracións darán comezo o venres 30 de agosto coa procesión de subida da Virxe á igrexa parroquial de San Domingos de Ribadavia.

Desde a parroquia sinalan que os días de semana a Santa Misa e o rezo da novena serán ás 8,00, 11,00 e 20,00 horas.

Para o domingo, día 1 de setembro os mesmos cultos están previstos para as 9,30, 11,00, 12,00 e 20,00 horas.

Ademais, engaden que durante a novena terán lugar outra serie de actos como o rosario de antorchas o xoves 5, ás 22,00 horas, no atrio de San Domingos, e a ofrenda floral das nais, o venres día 6.

Programa de la Fiesta de la Virgen del Portal de Ribadavia.

Na xornada seguinte, os porteadores da Cofradía do Portal realizarán a súa ofrenda.

O domingo 8 de setembro, festividade da Nosa Señora do Portal, haberá misa ás 9,00, 10,00 e 20,00 horas. Así mesmo, ás 10,30h horas terá lugar a procesión polas rúas de Ribadavia e a continuación a Misa Solemne presidida polo Cardeal Carlos Osoro Sierra, arcebispo emérito de Madrid. Xa o luns 9 de setembro, haberá misas ás 11,00 e 18,30 horas. Rematando os cultos relixiosos en honor á Virxe do Portal, ás 19,00 horas, en que terá lugar a emotiva procesión de retorno da imaxe ao seu santuario.

Os actos están organizados pola Parroquia San Domingos e a Cofradía do Portal, coa colaboración do Concello de Ribadavia.