Unións Agrarias pide aumentar o rendemento de dúas variedades

Os vogais de Unións Agrarias no Consello Regulador de Denominación de Orixe de O Ribeiro, levarán no día de hoxe á reunión plenaria a necesidade de ampliar os rendementos nas parcelas plantadas con variedades de Palomino e Torrontés para cubrir o incremento de froito que se prevé para a colleita deste ano.

Unións Agrarias lamenta que desde a Consellería do Medio Rural non se teña acometido a publicación do acordo do CRDO Ribeiro do pasado 17 de xuño, no que se aprobaban as modificacións precisas no prego de condicións. Na citada sesión a organización agraria logrou que se aprobara unha modificación para que as parcelas de menos de 900 metros cadrados con variedades mais produtivas -Torrontés e Palomino-, poidan producir un 20% mais con respecto o rendemento que establece no referido dito prego.