Ribadavia baixou o telón da súa Mostra de Teatro

Ribadavia clausurou este sábado a 40ª Mostra Internacional de Teatro, nunha xornada coa Asociación Cultural Abrente como protagonista, en recoñecemento a súa contribución á promoción da cultura e máis concretamente do teatro galego. A Casa da Cultura acollía, con tal motivo, a proxección do documental de Xan Leira dedicado a esa entidade.

A Praza Buxán - Igrexa da Madalena foi o escenario do espectáculo de rúa elexido para este último día da mostra: “Mover montañas”, de Alberto Velasco, procedente de Madrid.

A baixada do telón ata o próximo ano correspondeulle a coprodución do Centro Dramático Nacional e Butaca Zero, con “Iribarne”, unha farsa política moi documentada, sagaz e en certo modo épica.

Foron máis de vinte espectáculos teatrais, con humor, drama, circo, danza, música en directo, e tamén de trascendencia social e reivindicativa, que se representaron entre os días 19 e 27 de xullo, complementados con presentacións de libros, un documental, coloquios, cursos e exposicións, entre outras actividades que ofreceu esta 40ª edición da MIT.