Ourense, capital medio ambiental de Galicia

Hoxe será un día importante para o Campus de Ourense. Explícome: O venres pasado solicitouse por parte dun grupo de profesores da Facultade de Ciencias a convocatoria dunha Xunta Extraordinaria para analizar a oferta de titulacións da facultade, toda vez que a licenciatura de Física, que se imparte dende fai 14 anos neste centro, ten unha matrícula moi escasa. Como consecuencia do sucedido durante as últimas semanas coa titulación de Empresariales, e tamén debido a rotura da política de reconversión preconizada ata a data, os profesores antes aludidos consideran que a reconversión dunha titulación de reducida matrícula por outra exclusiva no sistema universitario galego sería unha boa oportunidade para consolidar a oferta educativa da terceira cidade de Galicia. Neste sentido, que a Facultade de Ciencias de Ourense e a Universidade de Vigo impulsen a implantación do Grao en Ciencias Ambientais como reconversión da Licenciatura en Física da Atmósfera e do Medio Ambiente sería, sen dúbida, o xusto cumprimento dunha reclamación histórica deste Campus, que é o da diferenciación e a exclusividade.

Este é, precisamente, o asunto que se ventilará na Xunta Extraordinaria de Facultade de hoxe. Personalmente, teño que decir que é unha demanda que plantexei en numerosas ocasións e moi diferentes foros, tanto no pasado máis reciente na miña anterior condición de conselleiro de Medio Ambiente e Desenvolvemento Sostible, como agora mesmo como secretario xeral do PSdeG. Pero sobre todo, é unha demanda que defendo e defenderei pola miña condición de ourensán.

E por eso que neste momento saúdo a iniciativa dos profesores da Facultade de Ciencias como algo positivo para a cidade, para a provincia e para Galicia. Só espero que todos sabíamos estar á altura das circunstancias. Dende o respeto a autonomía universitaria, non podo menos que aplaudir este acto de responsabilidade por parte dunha institución que, no fondo, presta un servicio público á sociedade.

Nun momento de crise como o actual, reconvertir unha titulación duplicada por outra que non se imparte en Galicia é unha medida saludable e responsable. Pero hai outros moitos argumentos para defender a implantación do Grao en Ciencias Ambientáis nesta provincia.

Ourense ten agora mesmo a metade dos parques naturais de Galicia (tres de seis), que se incrementaran en dous máis si a Xunta manten os planes de declaración de novos parques nos que traballaba o anterior goberno. Ourense é, por fin, a sede da Confederación Hidrográfica Miño-Sil, demandada durante anos. Será a sede, si o Goberno da Xunta non o impide, do Centro de Interpretación dos Parques Naturais de Galicia. Ourense ten ao alcance da man situarse á vangarda da reciclaxe en España co parque de Carballeda de Avia, que ademáis creará 800 postos de traballo. Por todo elo, o Grao en Ciencias Ambientais será a guinda que convirta a Ourense na capital medio ambiental de Galicia. Si ninguén o impide, claro.

(*) Ex conselleiro de Medio Ambiente e Desenvolvemento Sostible e secretario xeral do PSdeG