Seguir a Xesús

“E un escriba achegóuselle

e díxolle: Mestre, seguireite

onde sexa que vaias.”

(Mateo 8:19)

Este é un dos versículos onde esvaran todas as relixións deste mundo. Por que podo dicer iso?

A razón é que calquera organización relixiosa busca que todas as persoas sigan os seus preceptos, normas ou dogmas. Xesús fai todo o contrario. Explica o alto coste que supón seguilo. Até chega a desanimar a todos aqueles que queren seguilo sen un compromiso firme.

Seguir os camiños de Deus é obeceder a Xesús e a súa palabra. El fixo a vontade do seu Pai e deu exemplo dun camiño de santidade. Xesús mostrouse como o único camiño a Deus, como Redentor e como Salvador deste mundo. Pero Xesús coñecía os corazóns das persoas. Era moi sinxelo decir que querían seguilo, e moi difícil cumprir os seus mandamentos. Hoxe acontece o mesmo. Se queres mudar a túa vida, porque non lle topas sentido, poderás disfrutar do amor e da graza de Deus seguindo a Xesús por fe; coas obras da fe.