40 SERVICIOS SUSPENDIDOS
Ourense sufre los efectos de la huelga ferroviaria con transbordos por carretera
A área sanitaria de Ourense, Verín e Valdeorras recuperou onte as súas Xornadas de Enfermaría, con dez obradoiros que se desenvolveron nos tres hospitais públicos. Baixo a premisa “Integrando ciencia e humanidade”, esta iniciativa pretende dar voz a ámbitos como a investigación, a incorporación de novas tecnoloxías, a ética ou os pacientes como “unha posta en valor do traballo coral que o sector desenvolve todos os días para dar unha atención de calidade”. Así o define Esther Pérez Álvarez, supervisora da área de Formación, como parte importante do comité organizador.
Profesionais de toda a contorna puideron achegarse na primeira das xornadas para formar parte do “quentamento” para o día grande, que será este xoves. Obradoiros de solo pelviano, de vendaxe neuromuscular ou de manexo do parto e urxencias extrahospitalarias actuaron como preludio dunha xornada “moi completa na que ampliaranse algunhas das temáticas que protagonizaron os obradoiros previos”.
“Non podemos ser alleos a como se están desenvolvendo as cousas a nivel social e global”, apunta Pérez Álvarez en relación ao lema escollido para as xornadas deste ano: “Integrando ciencia e humanidade”. A implantación da tecnoloxía no ámbito sanitario convértese nunha grande aliada que xa forma parte do traballo diario de centros como os da provincia, “pero é importante saber integrala coa finalidade e co obxectivo que realmente temos como profesión, que é o coidado do paciente”. Cuestión que se abordará ao longo desta tarde na segunda parte dunhas xornadas que poñen o foco na escoita activa dos pacientes e nos desafíos éticos que supón esa nova tecnoloxía.
Contenido patrocinado
También te puede interesar
40 SERVICIOS SUSPENDIDOS
Ourense sufre los efectos de la huelga ferroviaria con transbordos por carretera
IMAGEN DE SU ROSTRO Y COCHE
Buscan a Francisco José, de 38 años, desaparecido en Ourense
DENUNCIAS DE LOS LECTORES
Cronista local | Las denuncias de los vecinos de Ourense hoy martes, 17 de noviembre
Lo último
ELECCIONES GENERALES
PP y Vox refuerzan su relato mientras la izquierda se pelea
Miguel Michinel
TINTA DE VERANO
Más vivienda
LOS TITULARES DE HOY
La portada de La Región de este miércoles, 18 de noviembre