Comeza na UVigo o curso do Programa de Maiores

Este xoves deu comezo o curso 2025-2026 do Programa de Maiores do Campus de Ourense, que aínda está en período de matrícula. Este proxecto está destinado á promoción da ciencia e a cultura nas persoas de maior idade, teñan ou non titulación. É una maneira de incentivar as relacións interxeracionais, así como contribuír o enriquecemento humano e cultural, proporcionando as ferramentas precisas para garantir a formación ao longo de toda a vida e o desenvolvemento persoal e social dos maiores.

O programa, que está subvencionado pola Consellería de Política Social e Igualdade, pretende mellorar a calidade de vida do alumnado. Deste xeito facilítase o acceso a ensinanzas do ámbito universitario e así adquirir coñecementos de tipo científico e cultural, fomentar a súa participación na sociedade actual, permitirlles unha progresiva e sinxela incorporación aos cambios que xorden na actualidade, impulsar a súa presenza como dinamizadores do seu propio contexto socio-cultural, ofrecerlles unha proposta real para as relacións intra e interxeracionais.

A presentación comezou cunha charla inaugural, baixo o título “Certificados Dixitales e DNI electrónico, cómo me axudan no meu día a día? A conferencia foi impartida por Diego Cid Merino, CEO de Cqu-Solutions, empresa recoñecida co premio ”Empresa Ética” polos logros acadados no campo da Enxeñaría Informática en España. A clase inaugural realizase no marco dos fondos do Plan de Recuperación, Transformación e Resiliencia financiados pola Unión Europea (Next Generation), como parte da posta en marcha do CyverCampUvigo, froito dun acordo de colaboración asinado entre o Instituto Nacional de Ciberseguridade (INCIBE) e a UVigo. A benvida estivo a cargo de Arno Formella, director da Escola Superior de Enxeñería Informática e a coordinadora do programa, Alma Gómez.