Formación dixital de balde para os maiores de Verín

A área de benestar social do Concello de Verín vén de abrir o prazo de inscrición para o curso de internet e telefonía móbil dirixido a persoas maiores, dentro do proxecto Sabedoría Activa.

Esta iniciativa, que se celebra por tercer ano consecutivo, busca achegar as novas tecnoloxías á veciñanza de idade máis avanzada, co fin de reducir a fenda dixital e facilitar o acceso á información, á socialización e ás xestións cotiás.

Os participantes aprenderán sobre o uso básico dun smartphone, incluída a realización de chamadas, mensaxes, fotos e vídeos, así como a acceder a internet con el e outras aplicacións útiles.

As clases terán lugar na aula CeMIT os mércores, xoves e venres, de 16,30 a 18,00 horas, e comezarán en vindeiras datas.

Inscricións

O curso está organizado pola Oficina de Xuventude e Consumo, e para inscribirse basta con acudir á Oficina Municipal de Información ao Consumidor, situada no 1º andar da Casa da Xuventude, ou chamar ao 988 414 776.