O FITO inaugura a súa 18 edición coa compañía galega Elefante Elegante

Onte deu comezo a edición número 18 do Festival Internacional de Teatro de Ourense (FITO). coa participación da compañía galega Elefante Elegante, que presentou o espectáculo “Alta Costura” no escenario do Teatro Principal. Ademais, na rúa do paseo puido desfrutarse dun espectáculo no exterior.

Hoxe prosegue a programación. Será a quenda da compañía galega Butaca Zero, que ofrecerá Melón Pelado en dobre función, ás 19,00 e ás 20,30 horas no Liceo.

Nesta edición, o FITO propón 24 representacións de 19 compañías, con catro estreas absolutas dentro dunha ambiciosa e diversa oferta escénica que encherá Ourense de creatividade e emoción teatral compartida co público.