O FITO ofrece unha viaxe polo desexo e a dignidade

Este domingo tivo lugar, no Teatro Principal, a representación do espectáculo “Sophie non é o meu nome de guerra”. Trátase dunha obra que narra unha historia real dunha persoa migrante. Con todo, ofreceu aos espectadores unha viaxe polo desexo e pola dignidade. Estivo representada pola compañía Redrum Teatro, baixo a dirección de Laura Miguez.

A programación do FITO continúa este mércores cunha función na sala Emilia Pardo Bazán do Campus de Ourense, a partir das 20,00 horas. Será unha tarde-noite chea de creatividade e enerxía coa xornada de exhibición da iniciativa 67 Graos Ourense Fervescénica, un espectáculo único onde catro propostas artísticas de mozos creadores poñerán en escena a súa visión do mundo.

Este proxecto consolídase como un espazo fundamental para impulsar a creación escénica en Ourense, brindando a novos talentos a oportunidade de mostrar o seu traballo e conectar co público. Así, os espectadores a esta xornada de exhibición elixirán de entre as pezas seleccionadas a gañadora.