Gonzalo Iglesias Sueiro presenta o seu novo libro en Ourense

O articulista, exprofesor e político Gonzalo Iglesias Sueiro presenta este xoves no Centro Cultural Marcos Valcarcel, a partir das 20,00 horas, o seu libro “Reflexiones en el último milenio”. Trátase dunha obra na que recompila un total de 170 artigos publicados entre os anos 2011 e 2024 en La Región, onde escribe dende o ano 2002. Neses textos expón o seu pensamento, así como a súa visión crítica e reflexiva sobre a sociedade actual. “Presento os meus pensamentos, as miñas vivencias e o meu compromiso coa política e a educación”, sinala o escritor.

Este libro, co que da continuidade a “Reflexións” -publicado en 2010-, Sueiro ordena os artigos en torno a oito capítulos temáticos: Medio Ambiente, Familia, Educación, Sociedade, Política, Filosofía e Relixión e Historia e Viaxes. “Trato de darlle un fío condutor a todo o que fun vivindo e escribindo”, explica. Garda historias coas que se pode percibir a evolución da sociedade e política do último século. Con todo, garda un cariño espacial a parte na que fala da súa infancia. “Hai artigos nos que lembro a época na que ía a aldea cos meus avós, que logo determinou quen fun como persoa”, asegura Sueiro.

Durante o encontro cos seus lectores tratará temas da actualidade máis recente como o acordo de paz que se ven de firmar en Gaza. “Levo falando de Palestina dende 2002, é o lugar onde máis sangue se verteu”, sinala, facendo reconto dos máis de 20 artigos que lle adicou ao conflicto o cal asegura coñecer en profundidade.

Así, agarda que sexa unha presentación especial, porque “presentar o traballo dun sempre o é”, pero ademáis o articulista asegura estar nun momento da vida moi emocional.